Баррасии тавсеаи ҳамкории давлатҳои узви СҲШ дар соҳаи нақлиёт ва логистика

Дар Душанбе мизи мудаввари аввалини «Нақлиёт ва логистикаи СҲШ» бо ташаббуси Палатаи савдо ва саноати Ҷумҳурии Тоҷикистон ва Вазорати нақлиёти Ҷумҳурии Тоҷикистон ва бо дастгирии Ҳукумати Ҷумҳурии Тоҷикистон ва Шӯрои соҳибкории Созмони ҳамкории Шанхай баргузор гардид.

Иштирокчиён масъалаҳои тавсеаи ҳамкории давлатҳои узви СҲШ дар соҳаи нақлиёт ва логистика, рушди долонҳои байналмилалии нақлиётӣ, беҳтар кардани шароити ҳамлу нақли автомобилии байналмилалӣ ва таҳкими робитаҳои нақлиётӣ-логистикӣ миёни давлатҳои узви СҲШ-ро баррасӣ карданд.