Муносибатҳои расмӣМанбаи тоҷикӣ
Сафири Давлати Кувайт бо имконоти илмию таълимии Донишгоҳи байналмилалии сайёҳӣ ва соҳибкории Тоҷикистон шинос шуд
Санаи нашр:
Нусхаҳои форсӣ, тоҷикӣ, русӣ ва англисӣ ҳамзамон дастрасанд.
Дар Душанбе, 22.10.2026, ректори донишгоҳ ва сафири Кувайт масъалаҳои тавсеаи ҳамкорӣ дар соҳаҳои маориф, илм, сайёҳӣ ва соҳибкориро баррасӣ карданд.
ДУШАНБЕ, 22.10.2026 /АМИТ «Ховар»/. Масъалаҳои таҳкими ҳамкории дуҷониба дар соҳаҳои маориф, илм, сайёҳӣ ва соҳибкорӣ дар мулоқоти ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода бо Сафири Фавқулода ва Мухтори Давлати Кувайт дар Ҷумҳурии Тоҷикистон Муҳаммад Рошид Ал-Амирӣ дар шаҳри Душанбе баррасӣ гардиданд.
АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад, ки зимни мулоқот ҷонибҳо ташкили табодули академии донишҷӯёну омӯзгорон, татбиқи барномаҳои муштараки таълимӣ ва рушди робитаҳои илмиро мавриди баррасӣ қарор доданд. Таъкид шуд, ки ин мулоқот барои густариши ҳамкории байналмилалӣ ва таҳкими робитаҳои илмию таълимии Тоҷикистону Кувайт заминаи мусоид фароҳам меорад.
Сафири Давлати Кувайт ҳамзамон бо имконоти таълимию илмӣ, инфрасохтори муосир ва дастовардҳои Донишгоҳи байналмилалии сайёҳӣ ва соҳибкории Тоҷикистон шинос гардид.
Манбаъ: Канали расмии Сафорати Ҷумҳурии Исломии Эрон дар Тоҷикистон
Манбаъ: АМИТ «Ховар»
Манбаъ: Канали расмии Сафорати Ҷумҳурии Исломии Эрон дар Тоҷикистон
Манбаъ: Канали расмии Сафорати Ҷумҳурии Исломии Эрон дар Тоҷикистон