Суҳбати телефонӣ бо раиси Шӯрои Федератсияи Маҷлиси Федералии Федератсияи Русия

Дар ҷараёни суҳбат Валентина Матвиенко Сарвари давлатро ба муносибати зодрӯзашон бо таманниёти нек самимона табрик намуд.

Ҷонибҳо оид ба баъзе паҳлӯҳои ҳамкориҳои гуногунҷанбаи Тоҷикистону Русия, аз ҷумла робитаҳои байнипарлумонӣ, ки дар густариши муносибатҳои ду кишвар дар доираи шарикии стратегӣ ва ҳампаймонӣ саҳми муҳим доранд, табодули назар карданд.

Пешвои миллат бо қаноатмандӣ рушди пайвастаи ҳамкориҳои судманди ду кишварро таъкид намуда, изҳори итминон кард, ки ин робитаҳо минбаъд ҳам дар рӯҳияи дӯстӣ, ҳамдигарфаҳмӣ ва эътимод, мувофиқ ба манфиатҳои аслии мардумони Тоҷикистон ва Русия, идома хоҳанд ёфт.