Ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил дар Қирғизистон баргузор шуд

15 октябри 2026 дар шаҳри Чолпон-Отаи вилояти Иссиқкӯли Ҷумҳурии Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил баргузор гардид. Аз Тоҷикистон Вазири мудофиаи Ҷумҳурии Тоҷикистон Эмомалӣ Собирзода дар кори ҷаласа иштирок намуд.

Роҳбарони ниҳодҳои мудофиаи кишварҳои аъзои Иттиҳоди Давлатҳои Мустақил натиҷаҳои фаъолияти мақомоти кории шуроро дар самти рушди ҳамкории низомӣ бо ҳадафи таъмини амнияти авруосиёӣ ва суботи минтақавӣ баррасӣ карданд. Афзалиятҳои асосӣ ва натиҷаҳои кори онҳо барои соли 2026, инчунин масъалаҳои мудофиавӣ ва амниятӣ низ муҳокима шуданд.