Роҳбарони парламентҳои кишварҳои Осиёи Марказӣ ба муҷассамаи Исмоили Сомонӣ гулчанбар гузоштанд

29 октябри 2026 дар доираи Форуми чоруми байнипарлумонии давлатҳои Осиёи Марказӣ дар Майдони «Дӯстӣ»-и пойтахт маросими гулгузорӣ ва гузоштани гулчанбар ба муҷассамаи Исмоили Сомонӣ баргузор шуд.

Меҳмонони сатҳи баланд бо ҳамроҳии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ба пояи муҷассамаи асосгузори аввалин давлати тоҷикон Исмоили Сомонӣ гул ва гулчанбар гузошта, ба арзишҳои миллию таърихии мардуми тоҷик эҳтиром баён карданд.