Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд

2 октябри 2026, дар доираи ҷаласаҳои муштараки Шурои ҳамоҳангсозии прокурорҳои генералии давлатҳои аъзои Иттиҳоди Давлатҳои Мустақил ва прокурорҳои генералии давлатҳои аъзои Созмони ҳамкории Шанхай дар шаҳри Козон, мулоқоти Прокурори генералии Ҷумҳурии Тоҷикистон Ҳабибулло Воҳидзода бо Прокурори генералии Ҷумҳурии Қирғизистон Малик Бектурганов баргузор гардид.

Ҷонибҳо таъкид карданд, ки ҳамкории дуҷониба ба пояҳои таърихӣ ва муносибатҳои анъанавии неки ҳамсоягӣ байни Тоҷикистон ва Қирғизистон такя мекунад. Ба нақши сарони давлатҳо Эмомалӣ Раҳмон ва Садир Ҷабборов дар ҳалли масъалаҳои делимитатсия ва демаркатсияи сарҳади давлатӣ низ таваҷҷуҳи хоса зоҳир шуд. Тарафҳо омодагии худро барои таҳкими эътимоди мутақобила тавассути ҳамкории зич ва самарабахш байни мақомоти прокуратура тасдиқ карданд.

Ҳамчунин масъалаҳои ҳамоҳангсозии талошҳо дар мубориза бо терроризм, экстремизм, ҷинояткории муташаккили фаромиллӣ ва ҷиноятҳои киберӣ баррасӣ шуданд. Дар ҳошияи ҷаласа, Ҳабибулло Воҳидзода бо Прокурори генералии Ҷумҳурии Қазоқистон Берик Асилов низ мулоқот намуд ва ҷонибҳо рушди ҳамкорӣ, ҳамоҳангсозии амалҳои муштарак ва мубодилаи таҷрибаро муҳокима карданд.