Дидори ҳайати иқтисодии Хуросон бо сафири Эрон дар Тоҷикистон дар Душанбе

Шоми шанбеи 2 ноябри 2026, як гурӯҳ аз муовинон ва мудирони вилояти Хуросон ва ҷамъе аз тоҷирон, бозаргонон ва роҳбарони ширкатҳои истеҳсолии кишвари мо, ки барои иштирок дар ҳамоиши «Сармоягузории Хатлон 2026» ва боздид аз намоишгоҳи байналмилалии сохтмони Тоҷикистон «Точбилд 2026» ба шаҳри Душанбе сафар кардаанд, дар бинои сафорат меҳмони Алиризо Ҳақиқён, сафири Эрон дар Тоҷикистон, буданд.

Дар ин нишаст, ҷонибҳо дар бораи масъалаҳои тиҷоратӣ ва иқтисодӣ гуфтугӯ ва табодули назар карданд. Ҳақиқён бо шарҳи равандҳои рӯ ба рушди равобити ду кишвар, бахусус дар соҳаи иқтисод ва тиҷорат, шинохти имкониятҳои бозори Тоҷикистонро муҳим донист ва гуфт, ки бахши иқтисодии сафорат барои ҳар гуна мусоидат ба тоҷирон ва бозаргонон ҳамеша омода аст.