«Китоби Душанбе». Дар намоишгоҳи байналмилалӣ беш аз 2 ҳазор номгӯй китоб пешниҳод гардид

ДУШАНБЕ, 22.10.2026 /АМИТ «Ховар»/. Имрӯз бо ташаббуси Вазорати фарҳанги Ҷумҳурии Тоҷикистон дар Осорхонаи миллии Тоҷикистон Намоишгоҳи XIV байналмилалии «Китоби Душанбе» оғоз гардид. Дар он беш аз 30 муассисаи нашриявии ватанӣ ва хориҷӣ, аз ҷумла аз Федератсияи Русия, Ҷумҳурии Исломии Эрон, Ҷумҳурии Қазоқистон, Ҷумҳурии Қирғизистон, Ҷумҳурии Узбекистон ва дигар давлатҳо, бо теъдоди зиёда аз 16 ҳазор нусха 2 ҳазор номгӯй китобро барои сокинон ва меҳмонон пешниҳод карданд.

Ёдовар мешавем, ки Намоишгоҳи XIV байналмилалии «Китоби Душанбе» ҳар рӯз аз соати 09:00 то 17:00 дар Осорхонаи миллии Тоҷикистон баргузор шуда, то 24 октябр идома меёбад.