ВарзишМанбаи тоҷикӣ
Дастаи «Сипар»-и Хуҷанд бори дуюм қаҳрамони Ҷоми Тоҷикистон оид ба футзал шуд
Санаи нашр:
Dushanbe, 2026-10-14 / Khovar/ Дастаи футзали «Сипар»-и Хуҷанд дар бозии ниҳоӣ бо ҳисоби 3:2 бар «Истиқлол»-и Душанбе пирӯз шуда, бори дуюм пайиҳам Ҷоми Тоҷикистонро соҳиб гашт.
Бозии ниҳоии Ҷоми Тоҷикистон-2026 оид ба футзал дар Маҷмааи варзишии «Кохи Олимп»-и шаҳри Душанбе баргузор шуд. «Сипар» дар ҷараёни вохӯрӣ ду бор аз ҳариф ақиб монд, аммо тавонист натиҷаро ба нафъи худ тағйир диҳад.
Аз ҳайати ғолибон Фелипе Виейра, легионери бразилӣ, ду гол ва Юри Ферейра як гол заданд. Аз «Истиқлол» Дилшод Саломов ва Хосе Пахаро ба нишон расиданд. Фелипе Виейра беҳтарин бозингари бозии ниҳоӣ эътироф гардид.
Барои пирӯзӣ «Сипар» 100 ҳазор сомонӣ ва «Истиқлол» барои ҷойи дуюм 50 ҳазор сомонӣ гирифтанд. Инчунин, беҳтаринҳо дар номинатсияҳои инфиродӣ муайян шуданд.
Манбаъ: АМИТ «Ховар»
Манбаъ: Канали расмии АМИТ «Ховар»
Манбаъ: Канали расмии АМИТ «Ховар»
Манбаъ: Канали расмии АМИТ «Ховар»