Муносибатҳои расмӣМанбаи тоҷикӣ
Санади ҳамкорӣ байни Тоҷикистон ва Беларус дар самти муқовимат ба коррупсия ба имзо расид
17 сентябри 2026 барномаи ҳамкорӣ барои солҳои 2027-2028 байни Агентии назорати давлатии молиявӣ ва мубориза бо коррупсияи Тоҷикистон ва Прокуратураи генералии Беларус дар Минск имзо шуд.
Душанбе, 17.09.2026 /АМИТ «Ховар»/. Барномаи ҳамкорӣ дар самти муқовимат ба коррупсия барои солҳои 2027-2028 байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Ҷумҳурии Беларус ба таври тантанавӣ ба имзо расид.
Тавре аз ин Агентӣ ба АМИТ «Ховар» иттилоъ доданд, санад 16 сентябр дар ҳошияи ҷаласаи навбатии Шурои байнидавлатии муқовимат ба коррупсия дар шаҳри Мински Ҷумҳурии Беларус имзо шуд. Дар ҳамин рӯз вохӯрии директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода бо Прокурори генералии Ҷумҳурии Беларус Гора Дмитрий баргузор гардид.
Ҷонибҳо масъалаҳои ҳамкорӣ дар самти муқовимат ба коррупсия, тақвияти робитаи дуҷониба дар ошкор ва тафтиши пешакии ҷиноятҳои коррупсионӣ, табодули маълумот ва таҷрибаҳои муосир, инчунин баргузории чорабиниҳои муштаракро баррасӣ карданд.
Манбаъ: Канали расмии АМИТ «Ховар»
Манбаъ: Канали расмии АМИТ «Ховар»
Манбаъ: Канали расмии АМИТ «Ховар»
Манбаъ: Канали расмии АМИТ «Ховар»