Сафири Тоҷикистон бо мудири кулли мақомоти федералии андози Амороти Муттаҳидаи Араб мулоқот намуд

Дар мулоқот ҷонибҳо аҳаммияти таҳкими ҳамкориҳо байни Кумитаи андози назди Ҳукумати Ҷумҳурии Тоҷикистон ва мақомоти федералии андози Амороти Муттаҳидаи Арабро тавассути имзои созишномаҳои дуҷониба баррасӣ намуданд.

Ҳамчунин иштирок дар чорабиниҳои байналмилалӣ, ташкили семинарҳо барои баланд бардоштани зарфияти кадрҳо, табодули таҷриба ва дониш, омодасозии мутахассисон ва мусоидати мутақобила ба раванди рақамисозии низоми маъмурикунонии андоз ва таҳлили маълумот оид ба масъалаҳои андозбандӣ таъкид шуд.