Даври ҷамъбастии Озмуни ҷумҳуриявии «Тоҷикистон—Ватани азизи ман» баргузор мешавад

Ба иттилои Вазорати фарҳанги Ҷумҳурии Тоҷикистон, марҳалаи ҷамъбастии озмун дар Театри давлатии академии опера ва балети ба номи Садриддин Айнӣ, Донишкадаи давлатии санъати тасвирӣ ва дизайни Тоҷикистон ва Консерваторияи миллии Тоҷикистон ба номи Талабхӯҷа Сатторов доир мегардад.

Довталабон дар номинатсияҳои оҳангсозӣ-бастакорӣ, сарояндагӣ, навозандагӣ, санъати тасвирӣ ва дизайн иштирок мекунанд. Озмун барои муаррифии фарҳанги тоҷик, эҳёи санъати миллӣ ва интихоби намунаҳои беҳтарини эҷодӣ баргузор мешавад.