Мулоқот бо муовини раиси Ҳукумати Федератсияи Русия Марат Хуснуллин

Дар мулоқот масоили таҳкими ҳамкории гуногунҷанбаи Тоҷикистону Русия баррасӣ шуд. Таъкид гардид, ки Тоҷикистон ба шарикии стратегӣ ва ҳампаймонии худ бо Русия арҷ мегузорад.\n\nНақши Комиссияи байниҳукуматӣ оид ба ҳамкории иқтисодӣ дар пешбурди раванди ҳамкорӣ муҳим дониста шуд. Ҳамчунин ба густариши робитаҳо дар соҳаҳои саноат, энергетика, инфрасохтор, кишоварзӣ ва иқтисоди рақамӣ, инчунин ба нақлиёт, логистика, таъсиси корхонаҳои муштарак, татбиқи лоиҳаҳои сармоягузорӣ, воридоти маҳсулоти нафтӣ ба Тоҷикистон ва амалисозии лоиҳаҳои бузурги инфрасохторӣ таваҷҷуҳ зоҳир гардид.