Дар Душанбе конференсияи байналмилалӣ оид ба дастгирии истеъдодҳои ҷавон дар ИДМ баргузор шуд

Имрӯз дар шаҳри Душанбе таҳти унвони «Бозиҳои Делфӣ: воситаи муассир барои дастгирии истеъдодҳои ҷавон, рушди соҳаҳои эҷодӣ ва сайёҳӣ дар Иттиҳоди Давлатҳои Мустақил» конференсияи байналмилалӣ баргузор шуд.

Иштирокдорон масъалаҳои дастгирии истеъдодҳои ҷавон, рушди бахшҳои фарҳангӣ, роҳҳои ҷалби бештари ҷавонон ба фаъолияти эҷодӣ, истифодаи имконияти фарҳангӣ барои рушди сайёҳӣ ва таҳкими ҳамкории байнидавлатиро баррасӣ карданд.