Дар Тоҷикистон ҳаҷми истеҳсоли маҳсулоти кишоварзӣ дар 25 соли охир 122 баробар афзоиш ёфтааст

Ба иттилои Ховар, Президенти Ҷумҳурии Тоҷикистон Эмомалӣ Раҳмон 8 сентябр зимни суханронӣ ба муносибати 35-солагии Истиқлоли давлатии Ҷумҳурии Тоҷикистон гуфт, ки дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст.

Тибқи ин хабар, истеҳсоли ғалла 6 баробар, картошка 12 баробар, сабзавот 11 баробар ва мева 48 баробар зиёд шудааст. Ҳаҷми умумии маҳсулоти кишоварзӣ дар соли 2025 ба 85 миллиард сомонӣ расида, нисбат ба соли 1991 3.7 баробар афзоиш ёфтааст.

Дар матлаб ҳамчунин гуфта мешавад, ки соҳаи кишоварзӣ зиёда аз 21 фоизи Маҷмуи маҳсулоти дохилиро фаро гирифта, беш аз 61 фоизи аҳолиро бо ҷойи кор таъмин менамояд.