Дар вилояти Суғд беш аз 15 ҳазор иншоот бунёд шудааст

Душанбе, 24.10.2026 / АМИТ «Ховар»/. Дар соли 2026 дар шаҳру ноҳияҳои вилояти Суғд нақшаи корҳои созандагию бунёдкорӣ ва ободонӣ анҷом ёфта, беш аз 15 ҳазору 400 иншооти гуногун бунёд, навсозӣ ва мавриди истифода қарор дода шуданд. Дар ин хусус АМИТ «Ховар» бо истинод ба хадамоти матбуоти Раиси вилояти Суғд иттилоъ медиҳад.

Рушди минтақавӣ ба 37 миллиард сомонӣ баробар шуда, суръати афзоиш 108 фоиз таъмин гардид. Ҳиссаи вилоят дар нишондиҳандаи кӯтоҳмуддати рушди иқтисодии ҷумҳурӣ 27.2 фоизро ташкил намуд. Дар 9 моҳи соли 2026 дар вилоят ба маблағи 31.1 миллиард сомонӣ маҳсулоти саноатӣ истеҳсол шуда, суръати афзоиш 108 фоиз таъмин гардид.

Инчунин дар давраи ҳисоботӣ 1351 корхонаи саноатӣ, аз ҷумла 38 корхонаи хизматрасонии саноатӣ ва 1313 корхонаи истеҳсолӣ фаъолият кардааст. Дар моҳҳои январ-сентябри соли равон ба вилоят 3954.4 миллион сомонӣ маблағгузорӣ карда шуд. Ҳаҷми корҳои сохтмонию васлгарӣ ба 3577.4 миллион сомонӣ расида, беш аз 427 ҳазор метри мураббаъ манзили истиқоматӣ ва иқтидори иловагии таълимӣ барои хонандагону кӯдакон ба истифода дода шуд.