ҶомеаМанбаи тоҷикӣ
РОҲИ БЕҲТАР ВА БЕХАТАР: Сокинони ВМКБ ба Душанбе дар 8-10 соат мерасанд
Санаи нашр:
АМИТ «Ховар» хабар дод, ки бо беҳтар шудани роҳҳо дар Вилояти Мухтори Кӯҳистони Бадахшон сафар то шаҳри Душанбе ҳоло 8-10 соатро мегирад, дар ҳоле ки дар солҳои аввали истиқлолият ин масир 3-4 шабонарӯзро ташкил медод.
ДУШАНБЕ, 26.09.2026 /АМИТ «Ховар»/. Ба иттилои мақомоти иҷроияи ҳокимияти давлатии Вилояти Мухтори Кӯҳистони Бадахшон, рафтуомади сокинон, меҳмонон ва сайёҳон дар масири Душанбе то Хоруғ нисбат ба солҳои 90-уми асри гузашта куллан беҳтар ва бехатар шудааст.
Дар солҳои Истиқлолияти давлатӣ дар ҳудуди вилоят 55 пул ва 190 километр роҳ таҷдид ва навсозӣ шуданд. Ҳамчунин 1300 километр роҳҳо аҳамияти байналмилалӣ дошта, Тоҷикистонро бо 3 давлати ҳамсоя мепайванданд.
Дар доираи лоиҳаи сармоягузории давлатӣ сохтмони роҳи Қалъаихумб – Ванҷ – дарвозаи Рӯшон идома дорад, ва пули мошингузар аз болои дарёи Ғунд дар мавзеи Селхозтехникаи шаҳри Хоруғ бо дарозии 200 метр ва арзиши 104796.0 ҳазор сомонӣ ба анҷом расонида шудааст. Ёдовар мешавем, ки 27 июни соли 2025 бо иштироки Президенти Ҷумҳурии Тоҷикистон Эмомалӣ Раҳмон роҳи автомобилгарди 3.4-километраи мавзеи Барсеми ноҳияи Шуғнон бо 550 метр долонҳои зиддитармавӣ ва 1 пули мошингузар бо дарозии 82 метр ба таври маҷозӣ мавриди истифода қарор дода шуд.
Манбаъ: Канали расмии АМИТ «Ховар»
Манбаъ: АМИТ «Ховар»
Манбаъ: АМИТ «Ховар»
Манбаъ: АМИТ «Ховар»