Ҳайати Тоҷикистон дар конфронси СҲШ оид ба таҷрибаи беҳтарини истифодабарии канданиҳои фоиданок дар Москва иштирок мекунад

Ба иттилои «Ховар», ин ҳамоиш дар Москва таҳти эгидои Созмони ҳамкории Шанхай ва Шӯрои олии кӯҳии Ассотсиатсияи «Горнопромышленники России» баргузор мешавад. Ҳадафи он ташкили платформа барои ҳамкории давлатҳои аъзо ва шарикони СҲШ, табодули таҷриба ва беҳтарин усулҳои истифодабарии канданиҳои фоиданок мебошад.

Ҳамчунин, ҷустуҷӯи шаклҳои нави ҳамкорӣ ҳангоми иҷрои лоиҳаҳои мураккаби кӯҳӣ ва таҳияву ҷорӣ намудани технологияҳои пешрафтаи истихроҷ ва коркарди маъданҳои сахт, бо таваҷҷуҳ ба тилло, маъданҳои полиметаллӣ ва металҳои нодири замин, дар маркази таваҷҷуҳ қарор дорад.