Рӯзи ҷаҳонии почта: «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад

ДУШАНБЕ, 09-10-2026 /АМИТ «Ховар»/. Тибқи ин гузориш, почта дар шароити рушди технологияҳои рақамӣ ва тағйирёбии ниёзҳои ҷомеа ба марҳилаи нави рушд ворид шудааст. Имрӯз он қисми муҳими низоми логистика, тиҷорати электронӣ, хизматрасониҳои молиявӣ ва рақамӣ ба ҳисоб меравад.

Дар матн инчунин ба таърихи хизмати почта дар Тоҷикистон ишора шудааст: аввалин нуқтаи хизматрасонии почта соли 1865 дар шаҳри Хуҷанд таъсис ёфт, соли 1866 шоҳроҳи почтавии Хуҷанд–Тошканд ба фаъолият оғоз карда, баъдан то Самарқанд идома ёфт. Соли 1924 дар Душанбе нахустин шуъбаи алоқаи статсионарӣ фаъол шуд ва дар ҳамон сол 30 ҳазор мактуб қабул ва ирсол гардид. Соли 1935 дар Душанбе бинои марказии алоқа сохта шуд.