Дар Минск натиҷаҳои фаъолияти хадамоти геологии давлатҳои ИДМ ҷамъбаст шуданд

Дар Минск натиҷаҳои фаъолияти хадамоти геологии давлатҳои иштирокчии Иттиҳоди Давлатҳои Мустақил барои солҳои 2025-2026 дар ҷараёни ҷаласаи XXIX Шӯрои байниҳукуматии ИДМ оид ба ҷустуҷӯ, истифода ва ҳифзи сарватҳои зеризаминӣ ҷамъбаст шуданд. Дар ин бора хадамоти матбуоти Сарраёсати геологияи назди Ҳукумати Ҷумҳурии Тоҷикистон хабар додааст.

Иштирокчиён ҳамчунин иҷрои «Нақшаи дурнамои корҳои муштараки давлатҳои ИДМ оид ба омӯзиши геологӣ, истифода ва ҳифзи сарватҳои зеризаминӣ барои солҳои 2023-2030» ва самтҳои асосии фаъолияти Шӯрои байниҳукуматиро барои солҳои 2025-2026 баррасӣ карданд.