Тавсеаи ҳамкории Академияи миллии илмҳои Тоҷикистон ва Идораи илм ва технологияи ноҳияи мухтори Синзян-Уйғур

Дар Душанбе зимни мулоқоти Кобилҷон Хушвахтзода, президенти Академияи миллии илмҳои Тоҷикистон, бо Хушэнг Сю, муовини директори генералии Идораи илм ва технологияи ноҳияи мухтори Синзян-Уйғури Ҷумҳурии Мардумии Чин, масъалаҳои густариши робитаҳои дуҷониба ва татбиқи лоиҳаҳои муштарак дар соҳаи илму технология баррасӣ шуданд.

Ҷонибҳо ба ташкили таҳқиқоти муштарак дар самтҳои энергетика, геология, сейсмология, ҳифзи муҳити зист, омӯзиши захираҳои табиӣ, технологияҳои рақамӣ ва зеҳни сунъӣ таваҷҷуҳ зоҳир карданд.