Густариши ҳамкории Академияи миллии илмҳои Тоҷикистон ва Раёсати илм ва технологияии ноҳияи мухтори Шинҷон-Уйғур

Дар Душанбе имрӯз президенти Академияи миллии илмҳои Тоҷикистон Қобилҷон Хушвахтзода бо муовини директори генералии Раёсати илм ва технологияии ноҳияи мухтори Шинҷон-Уйғури Ҷумҳурии Мардумии Чин Хушэнг Сю мулоқот кард. Дар ҷараёни вохӯрӣ масъалаи густариши робитаҳои дуҷониба ва татбиқи лоиҳаҳои муштарак дар соҳаи илм ва технология баррасӣ шуд.

Ҷонибҳо ба роҳ мондани таҳқиқоти муштаракро дар соҳаҳои энергетика, геология, сейсмология, ҳифзи муҳити зист, омӯзиши захираҳои табиӣ, технологияҳои рақамӣ ва зеҳни сунъӣ муҳим арзёбӣ карданд.