Шарҳи фармони Президенти Ҷумҳурии Тоҷикистон дар бораи эълон намудани гулҳои Лола ва Сиёҳгӯш ҳамчун гулҳои миллӣ

Ба иттилои АМИТ «Ховар», ин фармон бо мақсади арҷгузорӣ ба мероси таърихиву фарҳангӣ, ҳифзи табиати кишвар ва боло бурдани фарҳанги экологии мардум қабул шудааст. Дар асоси ин қарор, гулҳои Лола ва Сиёҳгӯш ҳамчун рамзи маънавии тоҷикон муаррифӣ гардиданд.

Дар гузориш гуфта мешавад, ки дар замони соҳибистиқлолӣ ба шарофати сиёсати ҳувиятсози Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон арзишҳои милливу фарҳангии миллати тоҷик эҳё шуда, дар ҳаёти маънавии ҷомеа ҷойгоҳи нав пайдо карданд ва дар сатҳи байналмилалӣ низ эътироф гардиданд.