Дар Душанбе форуми байналмилалии «Интегратсияи шаҳрҳо дар татбиқи имкониятҳои сайёҳии устувор» баргузор шуд

Дар пойтахти Тоҷикистон — шаҳри Душанбе форуми байналмилалии «Интегратсияи шаҳрҳо дар татбиқи имкониятҳои сайёҳии устувор» баргузор шуд. Дар доираи он масъалаҳои рушди сайёҳии устувор, тақвияти ҳамкории байнишаҳрӣ, ҷалби сармоя ва таблиғи имкониятҳои сайёҳии Тоҷикистон ва шаҳри Душанбе баррасӣ гардиданд.

Тибқи гузориш, форум бо ҳадафи таҳкими ҳамкории байнишаҳрӣ, рушди сайёҳии устувор, муаррифии иқтидори сайёҳии Тоҷикистон, аз ҷумла шаҳри Душанбе, ҷалби сармоя ба соҳаи сайёҳӣ, рушди инфрасохтори сайёҳӣ ва табодули таҷрибаи пешқадам ташкил шудааст.