Рушди ҳамкории байниминтақавии Хатлону Пенза баррасӣ шуд

24.10.2026 дар Душанбе рушди ҳамкории байниминтақавии вилояти Хатлон бо субъектҳои Федератсияи Русия ва густариши иқтидори иқтисодиву гуманитарии ин вилоят дар доираи созишномаи нави ҳамкорӣ бо вилояти Пенза баррасӣ шуд.

Ин масъала 22 октябр зимни вохӯрии раиси вилояти Хатлон Давлаталӣ Саид бо муовини раиси Маҷлиси қонунгузории вилояти Пензаи Федератсияи Русия Сергей Мельников матраҳ гардид. Дар мулоқот вазъ ва дурнамои муносибатҳои дуҷониба мавриди баррасӣ қарор гирифт.

Ҷонибҳо ҳамчунин ба имкониятҳои вилояти Хатлон дар соҳаҳои кишоварзӣ, саноат, сайёҳӣ, энергетика ва коркарди маҳсулот таваҷҷуҳ зоҳир карданд. Рушди ҳамкорӣ дар тиҷорату иқтисод, табодули таҷриба дар бахши агросаноатӣ, ҷорӣ намудани технологияҳои муосир ва таҳкими робитаҳои гуманитарӣ аз самтҳои калидии кори минбаъда номида шуд.