Дар 9 моҳ беш аз 41 000 сайёҳ аз Панҷакент боздид карданд

Ба иттилои АМИТ «Ховар» бо истинод ба мақомоти иҷроияи ҳокимияти давлатии шаҳри Панҷакент, дар 9 моҳи соли равон 41,3 ҳазор сайёҳ аз 160 давлати хориҷӣ аз маконҳои таърихӣ, фарҳангӣ ва сайёҳии шаҳр боздид намуданд.

Панҷакент бо Саразми 5500-сола, Панҷакенти қадим, оромгоҳи устод Абуабдуллоҳи Рӯдакӣ дар деҳаи Панҷрӯд ва беш аз 300 ёдгории дигар маъруф аст. Ҳафткӯл, пойгоҳҳои сайёҳӣ ва меҳмонхонаҳои бунёдшуда низ аз ҷозибаҳои асосии ин мавзеъ ба шумор мераванд.