Имрӯз дар баъзе минтақаҳои Тоҷикистон борон меборад

28-10-2026 / АМИТ «Ховар» бо истинод ба Агентии обуҳавошиносӣ хабар дод, ки имрӯз дар шаҳру ноҳияҳои Тоҷикистон ҳавои абрнок ва дар баъзе минтақаҳо борон пешбинӣ шудааст.

Дар Вилояти Мухтори Кӯҳистони Бадахшон ҳавои тағйирёбанда пешгӯӣ шуда, дар баъзе ноҳияҳои ғарбии вилоят борони кӯтоҳмуддат меборад. Дар шарқи вилоят бориши борону барф дар назар аст. Шамол аз самти ғарб бо суръати 4-9 метр дар як сония, дар баъзе ноҳияҳо то 10-15 метр дар як сония мевазад. Ҳаво дар ғарби вилоят шабона 1-6 дараҷа гарм, дар баъзе ноҳияҳо то 8-10 дараҷа гарм, рӯзона 13-18 дараҷа гарм мешавад; дар шарқи вилоят шабона 5-10 дараҷа хунук ва рӯзона 1-6 дараҷа гарм мешавад.

Дар вилояти Суғд, вилояти Хатлон, ноҳияҳои тобеи ҷумҳурӣ ва шаҳри Душанбе низ бориши кӯтоҳмуддат, шамоли ғарбӣ ва дар баъзе ҷойҳо чангу ғубор пешбинӣ шудааст. Дар Душанбе ҳаво шабона 9-11 дараҷа ва рӯзона 18-20 дараҷа гарм мешавад.