Дар Душанбе имкониятҳо, навоварӣ ва рушди устувори соҳибкории занон баррасӣ шуд

Дар Душанбе мизи гирде бо мавзӯи «Соҳибкории занон: имкониятҳо, навоварӣ ва рушди устувор» дар доираи форуми «Тоҷикистон, ба пеш!» баргузор шуд.

Тибқи иттилои НИАТ «Ховар», чорабинӣ бо ташаббуси Кумитаи давлатии сармоягузорӣ ва идораи амволи давлатии Ҷумҳурии Тоҷикистон баргузор гардид. Ҳадафи он дастгирии ташаббусҳои соҳибкории занон, таҳкими нақши онҳо дар рушди иқтисоди миллӣ ва фароҳам овардани шароити мусоид барои фаъолияти соҳибкорӣ гуфта шудааст.