Олимони Ҳиндустон бо ёдгориҳои нодир ва бозёфтҳои бостоншиносӣ дар Осорхонаи миллии Тоҷикистон шинос шуданд

Олимони Ҳиндустон зимни боздид аз Осорхонаи миллии Тоҷикистон бо таърих, тамаддун, фарҳанги бостонӣ ва мероси таърихию фарҳангии халқи тоҷик шинос шуданд.

Ба меҳмонон дар бораи ёдгориҳои нодир ва бозёфтҳои бостоншиносӣ, аз ҷумла осори марбут ба Саразм, Панҷакенти қадим, Тахти Сангин, Аҷинатеппа ва дигар мавзеъҳои таърихию бостоншиносии тоҷикон маълумот дода шуд.

Ҳамчунин онҳо бо осори нодири санъати тасвирӣ, санъати амалӣ ва дигар бахшҳои мероси фарҳангии халқи тоҷик аз наздик шинос шуданд.