Машғулияти академӣ оид ба стратегияи ҳамкории Тоҷикистон ва Корея баргузор шуд

Дар шаҳри Душанбе бо ташаббуси Маркази тадқиқоти стратегии назди Президенти Ҷумҳурии Тоҷикистон ва дар ҳамкорӣ бо Сафорати Ҷумҳурии Корея дар Ҷумҳурии Тоҷикистон машғулияти академӣ таҳти унвони «Нахустин семинари стратегияи ҳамкории Тоҷикистон ва Корея» баргузор шуд.

Ҳадафи асосӣ баррасии натиҷаҳои амалии сафари расмии Президенти Ҷумҳурии Тоҷикистон Эмомалӣ Раҳмон ба Ҷумҳурии Корея ва иштирок дар Саммити «Осиёи Марказӣ - Ҷумҳурии Корея», ки дар Gregorian 2026-09-16 ва Gregorian 2026-09-17 дар Корея баргузор гардид, арзёбӣ шуд. Ҳамчунин дурнамои рушди муносибатҳои дуҷониба, самтҳои афзалиятноки ҳамкории иқтисодию сармоягузорӣ ва густариши робитаҳо дар соҳаҳои маориф, фарҳанг, технологияҳои муосир ва омодасозии мутахассисони баландихтисос баррасӣ гардиданд.

Зикр шуд, ки байни Тоҷикистону Корея заминаи устувори муносибатҳои дӯстона ва шарикӣ ташаккул ёфтааст. Ҳаҷми тиҷорати дуҷониба дар соли 2024 аз 150 миллион доллари Иёлоти Муттаидаи Амрико зиёд шуда, дар шаш моҳи соли 2026 нисбат ба ҳамин давраи соли гузашта қариб 30 фоиз афзоиш ёфтааст. Инчунин дар Корея беш аз 350 донишҷӯ аз Тоҷикистон таҳсил мекунанд ва дар ҳашт муассисаи таҳсилоти олии Тоҷикистон марказҳои омӯзиши забони кореягӣ фаъолият доранд.