Эмомалӣ Раҳмон баъди анҷоми сафари корӣ аз Рашт ба Душанбе баргаштанд

Дар фурудгоҳи ноҳияи Рашт фаъолон ва роҳбарияти ноҳия Сарвари давлатро бо самимияти баланд гусел намуданд.

Эмомалӣ Раҳмон зимни суҳбати самимӣ дар фурудгоҳ аз нақши соҳибкорон дар дастгирии иқдомҳои Ҳукумати кишвар, саҳмгузории онҳо дар корҳои ободонӣ ва таъсиси иншооти истеҳсолию хизматрасонӣ ёдовар шуданд. Пешрафти тадриҷии иқтисодиёт ва беҳшавии зиндагии мардумро самараи Истиқлоли давлатӣ ва оромии Ватан арзёбӣ карданд.