Дар давраи соҳибистиқлолии Тоҷикистон музди миёнаи меҳнат 178 баробар зиёд гардид

ДУШАНБЕ, 13.09.2026 /АМИТ «Ховар»/. Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 8 September 2026 зимни суханронӣ ба муносибати 35-солагии Истиқлоли давлатии Ҷумҳурии Тоҷикистон гуфт, ки дар давраи соҳибистиқлолӣ музди миёнаи меҳнат 178 баробар ва нафақа 126 баробар зиёд гардида, имконоти иқтисодии аҳолӣ ба таври назаррас беҳтар шудаанд.

Ба гуфтаи ӯ, аз 1 September 2026 маоши вазифавии кормандони муассисаҳои маориф, аз ҷумла муассисаҳои томактабӣ ва миёнаи умумӣ, 25 фоиз зиёд мешавад. Ҳамчунин маоши кормандони соҳаи маориф, илм, фарҳанг, варзиш, тандурустӣ, муассисаҳои ҳифзи иҷтимоӣ, мақомоти ҳокимият ва идоракунии давлатӣ, дигар муассисаҳои буҷетӣ ва стипендияҳо 20 фоиз боло бурда мешавад.

Музди меҳнати амалкунандаи кормандони мақомоти ҳифзи ҳуқуқ, хизматчиёни ҳарбӣ ва дигар кормандони ин мақомот низ 20 фоиз зиёд карда мешавад. Ҳадди ақалли музди меҳнат барои ҳамаи соҳаҳои иқтисодию иҷтимоии ҷумҳурӣ ба андозаи 1300 сомонӣ дар як моҳ муқаррар мегардад. Аз 1 September 2026 инчунин нафақаҳои суғуртавӣ, меҳнатӣ ва иҷтимоӣ ва иловапулӣ ба онҳо мутобиқи моддаи 51 Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ» ва андозаи нафақаи заминавӣ дар сатҳи таварруми соли 2025, вале на кам аз 15 фоиз аз андозаи муқарраршудаашон индексатсия мешаванд.