ИқтисодМанбаи тоҷикӣ
Баррасии ҷалби сармоя барои лоиҳаҳои афзалиятноки Тоҷикистон дар Бангкок
Санаи нашр:
Нусхаҳои форсӣ, тоҷикӣ, русӣ ва англисӣ ҳамзамон дастрасанд.
14 октябри 2026 дар Бангкок, дар ҳошияи ҷаласаҳои солонаи Гурӯҳи Бонки ҷаҳонӣ ва Хазинаи байналмилалии асъор, Файзиддин Қаҳҳорзода бо намояндагони Бонки сармоягузории Аврупо ва Бонки ҷаҳонӣ масъалаҳои маблағгузории лоиҳаҳои афзалиятноки Тоҷикистон, аз ҷумла идомаи сохтмони Неругоҳи барқи обии «Роғун»-ро баррасӣ кард.
Тибқи иттилои АМИТ «Ховар» ба нақл аз Вазорати молияи Ҷумҳурии Тоҷикистон, дар мулоқоти Қаҳҳорзода бо Эндрю Макдауэлл, директори генералии бахши амалиёти байналмилалии EIB Global, масъалаи ҷалби маблағгузории ин бонк барои идомаи сохтмони Неругоҳи барқи обии «Роғун» махсус баррасӣ шуд.
Ҷонибҳо омодагии худро барои густариши ҳамкорӣ дар ҷалби сармоя барои татбиқи лоиҳаҳои афзалиятноки ҷумҳурӣ изҳор карданд. Ҳамчунин Қаҳҳорзода бо Галина Винселет, ноиби президенти Бонки ҷаҳонӣ оид ба сиёсати амалиётӣ ва хизматрасонӣ ба кишварҳо, вохӯрӣ намуд.
Дар ин гуфтугӯҳо ба маблағгузории «Роғун» ва тақвияти ҳамкории Бонки ҷаҳонӣ бо Бонки Осиёии Рушд ва Бонки сармоягузории Аврупо барои татбиқи ин лоиҳаи дорои аҳамияти стратегӣ таваҷҷуҳи махсус зоҳир гардид. Ҳамчунин мувофиқа шуд, ки барои баррасии масъалаҳои маблағгузорӣ ва ҳамоҳангсозии тадбирҳои баъдӣ дар Тоҷикистон бо иштироки намояндагони ҳар се ниҳоди молиявӣ ҷаласаи корӣ баргузор гардад.
Манбаъ: АМИТ «Ховар»
Манбаъ: Канали расмии АМИТ «Ховар»
Манбаъ: АМИТ «Ховар»
Манбаъ: АМИТ «Ховар»