Иштирокдорони Бозиҳои XX Делфии ҷавонони кишварҳои ИДМ аз Осорхонаи миллии Тоҷикистон боздид карданд

ДУШАНБЕ, 08.10.2026 /АМИТ «Ховар»/. Иштирокдорони Бозиҳои XX Делфии ҷавонони кишварҳои аъзои Иттиҳоди Давлатҳои Мустақил дар доираи барномаи чорабиниҳои фарҳангии Бозиҳо аз Осорхонаи миллии Тоҷикистон боздид намуданд.

Ҳадафи боздид шиносоии меҳмонон бо таъриху фарҳанг, тамаддун, санъат ва мероси пурғановати халқи тоҷик ва ҳамзамон муаррифии арзишҳои таърихию фарҳангии Тоҷикистон ба намояндагони кишварҳои аъзои Иттиҳоди Давлатҳои Мустақил гуфта шуд. Ба меҳмонон иттилоъ дода шуд, ки Осорхонаи миллии Тоҷикистон ҳамчун яке аз муҳимтарин муассисаҳои фарҳангиву илмии кишвар дар ҳифз, омӯзиш, муаррифӣ ва тарғиби мероси таърихию фарҳангии миллати тоҷик нақши муҳим дорад.