Ҳайати Тоҷикистон ва Бонки ҷаҳонӣ густариши ҳамкории молиявиро баррасӣ карданд

Тибқи иттилои маркази матбуоти Бонки миллии Тоҷикистон, ҳайати Тоҷикистон ва намояндагони Бонки ҷаҳонӣ масъалаҳои густариши ҳамкории молиявӣ ва ҷалби сармоягузориро баррасӣ карданд.

Ҷонибҳо ҷалби сармоягузорӣ, татбиқи лоиҳаҳои афзалиятноки иқтисодӣ ва иҷтимоӣ дар кишвар, тавсеаи дастрасӣ ба маблағгузорӣ, дастгирии соҳибкории хурду миёна, инчунин ҷалби сармоя ба лоиҳаҳои «сабз»-и маблағгузорӣ ва рақамисозии хизматрасониҳои молиявиро муҳокима карданд.