Дар Беларус чорабинии тантанавӣ ба ифтихори 35-солагии истиқлолияти давлатии Тоҷикистон баргузор шуд

Дар Ҷамъияти дӯстӣ ва робитаҳои фарҳангӣ бо кишварҳои хориҷии Ҷумҳурии Беларус чорабинии тантанавӣ ба ифтихори 35-солагии истиқлолияти давлатии Ҷумҳурии Тоҷикистон ва 30-солагии барқароршавии муносибатҳои дипломатӣ байни Ҷумҳурии Тоҷикистон ва Ҷумҳурии Беларус баргузор шуд.

Дар ҷараёни чорабинӣ ба аҳамияти таърихии истиқлолияти давлатии Тоҷикистон, дастовардҳои муҳими кишвар дар 35 соли рушди соҳибистиқлол ва марҳилаҳои асосии ташаккули он таваҷҷуҳи хос зоҳир гардид.