Дар Донишгоҳи давлатии Бохтар конференсияи байналмилалӣ оид ба истифодаи усулҳои гармофизикӣ баргузор шуд

31 октябр 2026 дар Донишгоҳи давлатии Бохтар ба номи Носири Хусрав бо ҳамкории Донишгоҳи давлатии техникии Тамбов дар мавзуи «Истифодаи усулҳои гармофизикӣ ва воситаҳои ченкунӣ дар назорат ва идоракунии сифати маҳсулот ва раванди истеҳсолот» конференсияи 15-уми байналмилалии илмӣ-амалии мактаби байналмилалии гармофизикон доир гардид.

Муовини ректор оид ба илм ва инноватсия Наимҷон Ашурзода дар мавзуи «Сатҳи рушди иқтисодии Тоҷикистон вобаста ба рушди энергетика» маъруза карда, робитаи рушди соҳаи энергетикаро бо пешрафти иқтисоди миллӣ таҳлил намуд.

Иштирокдорон масъалаҳои муҳими илмии соҳаи гармофизика, истифодаи технологияҳои муосири ченкунӣ ва роҳҳои баланд бардоштани сифати маҳсулот ва самаранокии равандҳои истеҳсолиро баррасӣ карданд.