Талонҳои гузаштани муоинаи техникии воситаҳои нақлиёт тавассути портал дода мешаванд

Душанбе, 2026-09-14 /НИАТ «Ховар»/. Аз 2026-09-15 талонҳо (варақаҳо)-и гузаштани муоинаи техникии воситаҳои нақлиёт ба таври электронӣ ва танҳо тавассути Портали ягонаи хизматрасониҳои давлатӣ — eKhizmat.tj дода мешаванд.

Тартиби гузаронидани муоинаи ҳатмии давлатии техникии воситаи нақлиёт тағйир намеёбад. Муоинаи техникии воситаи нақлиёт минбаъд низ ба таври ҳузурӣ дар нуқтаи ташхисии Бозрасии давлатии автомобилӣ (ГАИ) баргузор мешавад. Тавассути портали ягона танҳо санади ниҳоӣ — талони электронӣ (варақа) — таҳия мешавад.