Ҳабибулло Воҳидзода дар ҷаласаи 36-уми Шурои ҳамоҳангсозии прокурорҳои генералии кишварҳои аъзои ИДМ иштирок намуд

30.09.2026 ҳайати Прокуратураи генералии Ҷумҳурии Тоҷикистон таҳти роҳбарии Прокурори генералӣ Ҳабибулло Воҳидзода дар ҷаласаи 36-уми Шурои ҳамоҳангсозии прокурорҳои генералии кишварҳои аъзои Иттиҳоди Давлатҳои Мустақил иштирок намуд. Чорабинӣ дар шаҳри Қазони Федератсияи Русия таҳти раёсати Прокуратураи генералии Русия баргузор шуд.

Дар ҷаласа намояндагони прокуратураҳои генералии Озарбойҷон, Арманистон тавассути видеоконфронс, Беларус, Қазоқистон, Қирғизистон, Русия ва Узбекистон низ иштирок карданд. Ҳозирин масъалаҳои муайян кардан, мусодира ва баргардонидани маблағҳои ғайриқонунӣ бадастовардашуда, механизмҳои тафтишоти зиддикоррупсионии ғайриҷиноятӣ, истифодаи каналҳои амнияти рақамии муошират ва пешгирии экстремизм ва терроризмро баррасӣ карданд. Дар анҷом созишнома дар бораи ҳамкорӣ байни прокуратураҳои генералии кишварҳои аъзои ИДМ дар соҳаи мубориза бо терроризм ва экстремизм ба имзо расид.