«Робиаи Балхӣ–нахустин нидои ишқ». Ба муносибати 1050-солагии Робиаи Балхӣ ҳамоиши илмӣ-адабӣ баргузор шуд

21 октябр дар Китобхонаи миллии Тоҷикистон ба муносибати 1050-солагии шоирбонуи соҳибистеъдоди даврони Сомониён Робиаи Балхӣ ҳамоиши илмӣ-адабӣ таҳти унвони «Робиаи Балхӣ–нахустин нидои ишқ» баргузор шуд.

Дар ҳамоиш таъкид гардид, ки таърихи адабиёти тоҷик бо номи шахсиятҳои бузург зинда аст, ки бо истеъдод, заковат ва осори мондагори худ дар рушди маънавиёти ҷомеа саҳми арзанда гузоштаанд. Аз миёни онҳо Робиаи Балхӣ ҳамчун яке аз нахустин бонувони суханвар ҷойгоҳи хос дорад.