ФарҳангМанбаи тоҷикӣ
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
Санаи нашр:
Имрӯз, 2026-10-06, дар Душанбе маросими ифтитоҳи Бозиҳои 20-уми Делфии ҷавонони кишварҳои аъзои ИДМ баргузор мешавад. Дар чорабинӣ иштирокчиён аз 9 кишвар ва 10 номинатсияи ҳунарӣ иштирок мекунанд.
Тавре АМИТ «Ховар» хабар медиҳад, имрӯз соати 17:00 дар Театри давлатии академии опера ва балети Тоҷикистон ба номи С. Айнӣ маросими ифтитоҳи Бозиҳои 20-уми Делфии ҷавонони кишварҳои аъзои Иттиҳоди Давлатҳои Мустақил баргузор мегардад.
Ин бозиҳо дар Тоҷикистон бори дуюм доир мешаванд. Дар онҳо ҷавонони 10 то 25-сола аз 9 кишвари узви ИДМ иштирок менамоянд. Ҳамзамон, дар Вазорати фарҳанги Ҷумҳурии Тоҷикистон конфронси байналмилалӣ доир мешавад, ки ба нақши Бозиҳои Делфӣ дар дастгирии истеъдодҳои ҷавон, рушди соҳаҳои эҷодӣ ва сайёҳӣ дар ИДМ бахшида шудааст.
Мусобиқаҳо дар чанд муассисаи фарҳангии пойтахт аз рӯйи 10 номинатсия баргузор мешаванд. Ташкилкунандагон Вазорати фарҳанги Ҷумҳурии Тоҷикистон ва Кумитаи байналмилалии Бозиҳои Делфӣ мебошанд; чорабинӣ таҳти сарпарастии Президенти Ҷумҳурии Тоҷикистон Эмомалӣ Раҳмон мегузарад.
Манбаъ: Президенти Ҷумҳурии Тоҷикистон
Манбаъ: Канали расмии АМИТ «Ховар»
Манбаъ: Канали расмии АМИТ «Ховар»
Манбаъ: Канали расмии АМИТ «Ховар»