Дар Тоҷикистон 73 фоизи кормандони соҳаи маориф ва 72 фоизи кормандони тандурустиро занон ташкил медиҳанд

ДУШАНБЕ, 12.09.2026 /АМИТ «Ховар»/. Имрӯз занон дар соҳаҳои муҳими иҷтимоӣ, аз ҷумла маориф ва тандурустӣ, нақши назаррас доранд. Дар соҳаи маориф занон 73 фоиз ва дар соҳаи тандурустӣ 72 фоизи кормандонро ташкил медиҳанд. Чунин иброз доштанд Президенти Ҷумҳурии Тоҷикистон муҳтарам Эмомалӣ Раҳмон 8 сентябр зимни суханронӣ ба муносибати 35-солагии Истиқлоли давлатии Ҷумҳурии Тоҷикистон.

Сарвари давлат изҳор намуданд, ки имрӯз занони тоҷик дар ҳама самтҳои ҳаёти давлат ва ҷомеа фаъолона иштирок мекунанд ва дар рушди соҳаҳои гуногуни кишвар нақши назаррас доранд. Ӯ афзуданд, ки дар даврони соҳибистиқлолӣ ҳазорон нафар занону духтарони соҳибмаърифат ҳамчун роҳбару сиёсатмадор, олиму омӯзгор, табибу соҳибкор ва дигар кадрҳои баландихтисос ба камол расида, дар пешрафти давлат саҳми шоиста гузошта истодаанд.

Роҳбари давлат ҳамчунин таъкид намуданд, ки саҳми арзишманди занону модарони мамлакатро дар таҳкими сулҳу субот, ваҳдати миллӣ ва пешрафти давлат ҳамеша қадр менамоянд.