Дар Лондон масъалаҳои марбут ба соҳаи энергетикаи Тоҷикистон баррасӣ шуданд

16 сентябри 2026 дар шаҳри Лондони Британияи Кабир мулоқоти Вазири молияи Ҷумҳурии Тоҷикистон Файзиддин Қаҳҳорзода бо Директори бахши инфрасохтори устувори минтақаи АвруОсиёи Бонки аврупоии таҷдид ва рушд Екатерина Мирошник баргузор шуд.

Дар мулоқот ҷонибҳо самтҳои афзалиятноки ҳамкории ояндаро баррасӣ карданд. Ба соҳаи энергетика бо дарназардошти нақши калидии Неругоҳи барқи обии «Роғун» дар таъмини амнияти энергетикӣ ва рушди саноат, инчунин ба масъалаҳои интиқоли барқ, навсозии шабакаҳо ва коҳиш додани талафоти он таваҷҷуҳи хосса зоҳир шуд.