Тақвияти ҳамкорӣ байни Осорхонаи миллии Тоҷикистон ва Шурои Британия дар Душанбе баррасӣ шуд

Масъалаҳои тақвияти ҳамкорӣ дар мулоқоти директори Осорхонаи миллии Тоҷикистон Зафаршо Иброҳимзода бо роҳбари намояндагии Шурои Британияи Кабир дар Узбекистон, директори кластер барои минтақаи Осиёи Марказӣ Майкл Ҳоулет (Michael Howlett), ва намояндагони ҷониби Британияи Кабир дар шаҳри Душанбе матраҳ шуд.

Ҳамчунин дар бораи самтҳои фаъолияти байналмилалии Осорхонаи миллӣ, аз ҷумла баргузории намоишгоҳҳо дар кишварҳои хориҷӣ ва омодагӣ ба намоишгоҳи байналмилалии «Тоҷикистон — кишвари мероси нодир» дар Осорхонаи тамаддуни шаҳри Рими Ҷумҳурии Италия маълумот дода шуд.