ИқтисодМанбаи тоҷикӣ
Ифтитоҳи ҶДММ «Шаҳдоб» дар ноҳияи Шоҳмансури шаҳри Душанбе
Санаи нашр:
Нусхаҳои форсӣ, тоҷикӣ, русӣ ва англисӣ ҳамзамон дастрасанд.
27 октябр Президенти Ҷумҳурии Тоҷикистон Эмомалӣ Раҳмон ва Раиси шаҳри Душанбе Рустами Эмомалӣ фаъолияти истеҳсолии ҶДММ «Шаҳдоб»-ро оғоз бахшиданд. Дар корхона нӯшобаҳо ва маҳсулоти қаннодӣ истеҳсол шуда, 120 ҷойи кори доимӣ фароҳам шудааст.
27 октябр Президенти Ҷумҳурии Тоҷикистон, Пешвои миллат Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе Рустами Эмомалӣ ба фаъолияти истеҳсолии ҶДММ «Шаҳдоб» дар ноҳияи Шоҳмансури шаҳри Душанбе оғоз бахшиданд. Корхона бо ташаббуси соҳибкор Фатҳулло Соҳибов дар заминаи дастгирии соҳибкории хусусӣ бунёд шуда, дар он истеҳсоли оби нӯшокӣ, дигар нӯшобаҳо ва маҳсулоти қаннодӣ ба роҳ монда шудааст. Он дорои се хатти технологӣ мебошад: дар ду хатти аввал обу нӯшобаҳо ва дар хатти сеюм маҳсулоти қаннодӣ истеҳсол мешавад. Тибқи маълумот, иқтидори истеҳсолии ду хатти аввал дар як шабонарӯз 400 ҳазор зарфро ташкил медиҳад. Маҳсулот бо тамғаи «Шаҳдобя» ба бозори истеъмолӣ пешниҳод мешавад. Дар корхона ҳамчунин наздик ба 50 навъи нӯшоба истеҳсол гардида, 120 нафар бо кори доимӣ таъмин шудаанд.
Манбаъ: Президенти Ҷумҳурии Тоҷикистон
Манбаъ: Канали расмии АМИТ «Ховар»
Манбаъ: АМИТ «Ховар»
Манбаъ: АМИТ «Ховар»