Тақвими имрӯзии «Ховар»: 24 сентябр, панҷшанбе, 267-умин рӯзи соли 2026

24 сентябри соли 2009 дар Иёлоти Муттаҳидаи Амрико байни Президенти Ҷумҳурии Тоҷикистон муҳтарам Эмомалӣ Раҳмон ва ҳамватанони бурунмарзие, ки дар Амрико кору зиндагӣ мекунанд, суҳбати озод баргузор гардид. 24 сентябри соли 2010 низ дар шаҳри Ню-Йорк Президенти Ҷумҳурии Тоҷикистон муҳтарам Эмомалӣ Раҳмон бо намояндаи махсуси Иёлоти Муттаҳидаи Амрико оид ба Афғонистон, Сарвазири Ҷопон ва Сарвазири Тайиланд мулоқот анҷом доданд.

24 сентябри соли 2024 Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ню-Йорк дар мубоҳисаҳои 79-уми умумии Маҷмаи Умумии Созмони Милали Муттаҳид иштирок ва суханронӣ намуданд. Он рӯз ҳамчунин бо Валиаҳди Давлати Кувайт Шайх Сабоҳ ал-Холид Ал-Ҳамад ал-Муборак Ал-Сабоҳ ва Амири Давлати Қатар шайх Тамим ибни Ҳамад оли Сонӣ суҳбат намуданд. 23 сентябри соли 2025 низ дар Ню-Йорк дар мубоҳисаҳои иҷлосияи 80-уми Маҷмаи Умумии Созмони Милали Муттаҳид иштирок ва суханронӣ карданд ва бо Президенти Ҷумҳурии Фаронса муҳтарам Эммануэл Макрон мулоқот намуданд.

Дар бахши рӯйдодҳо аз таъсиси маҷмааи табъу нашри «Московская правда» дар соли 1923, таъсиси ширкати «Хонда мотор» дар соли 1948, қабули Свазиленд ба узвияти СММ дар соли 1968 ва дигар воқеаҳои таърихӣ ёд шудааст.