Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ баргузор шуд

Тибқи иттилои Сафорати Ҷумҳурии Тоҷикистон дар Салтанати Умон, дар вохӯрӣ Сафири Фавқулода ва Мухтори Ҷумҳурии Тоҷикистон дар Салтанати Умон Зубайдулло Зубайдзода ҳозиринро ба муносибати Рӯзи забони давлатии Ҷумҳурии Тоҷикистон табрик гуфта, ба аъзои даста дар бозиҳои дарпешистода комёбӣ орзу кард.

Дастаи мунтахаби олимпии футболи Тоҷикистон бо мақсади гузаронидани бозиҳои дӯстона ба Салтанати Умон сафар кардааст ва қарор аст бо дастаи мунтахаби олимпии футболи ин кишвар бозӣҳои дӯстона анҷом диҳад. Бозии мазкур 6 октябр дар шаҳри Масқат баргузор мешавад.