Дар доираи Форуми соҳибкории «Тоҷикистон, ба пеш!» ду ёддошти тафоҳум дар соҳаи энергетика имзо шуд

Тибқи иттилои Вазорати энергетика ва захираҳои оби Ҷумҳурии Тоҷикистон, дар ҳошияи Форуми соҳибкории «Тоҷикистон, ба пеш!» ду ёддошти тафоҳум дар соҳаи энергетика ба имзо расид. Ёддошти аввал байни вазорат ва Консорсиуми Пешбар - ҶДММ «Авесто Гурӯҳ» оид ба ҳамкорӣ дар татбиқи лоиҳаи тақсимоти неруи барқ дар ноҳияи Синои шаҳри Душанбе имзо шуд. Санадро Вазири энергетика ва захираҳои об Далер Ҷумъа ва директори лоиҳаҳои сармоягузорӣ ва ҳамкории байналмилалии ҶДММ «Авесто Гурӯҳ» Бежан Азонов ба имзо расонданд. Ёддошти дуюм байни Вазорати энергетика ва захираҳои оби Ҷумҳурии Тоҷикистон ва ширкати «Xinjiang Shouhai Power Development Co., Ltd.»-и Ҷумҳурии Мардумии Чин ба имзо расид. Он ба рушди ҳамкорӣ дар омӯзиш ва бунёди неругоҳҳои барқи обӣ дар дарёи Оби Хингови Тоҷикистон равона шудааст.