Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд

Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи VI байналмилалӣ оид ба бехатарии молиявӣ дар шаҳри Красноярски Федератсияи Русия иштирок намуданд.

Дар доираи барномаи олимпиада барои иштирокчиён чорабиниҳои соҳавӣ, аз ҷумла дарсҳои маҳорат, ҷаласаҳои Раёсати Ҳаракати байналмилалӣ оид ба бехатарии молиявӣ, Форуми байналмилалӣ оид ба бехатарии молиявӣ ва чорабиниҳои байналмилалӣ дар самти муқовимат ба қонунигардонии даромадҳои бо роҳи ҷиноят бадастомада ва маблағгузории терроризм баргузор шуданд.