ҶомеаМанбаи тоҷикӣ
Кӯдакистони «Парасту» дар ноҳияи Шоҳмансури шаҳри Душанбе ифтитоҳ шуд
Санаи нашр:
Дар ноҳияи Шоҳмансури шаҳри Душанбе муассисаи таҳсилоти томактабии «Парасту» ба истифода дода шуд. Дар маросим намояндагони шаҳрдорӣ ва ноҳия, инчунин як соҳибкори ватанӣ иштирок карданд.
ДУШАНБЕ, 31.10.2026 /АМИТ «Ховар»/. Муассисаи таҳсилоти томактабии «Парасту» дар ноҳияи Шоҳмансури шаҳри Душанбе ба истифода дода шуд.
Дар маросими ифтитоҳи кӯдакистон муовини якуми Раиси шаҳри Душанбе Бахтиёр Шарифзода ва Раиси ноҳияи Шоҳмансур Олимзода Сафар Маҳмадшо иштирок намуданд. Иншоот бо ташаббуси шоиста ва маблағгузории соҳибкори ватанӣ Бахтиёр Сайидзода бунёд шудааст.
Муассиса аз се ошёна ва таҳхона иборат буда, дар масоҳати умумии 1900 метри мураббаъ сохта шудааст. Он шаш синфхонаи барҳаво, ошхонаи замонавӣ, толори мусиқӣ ва толори варзишӣ дорад ва барои 150 кӯдак пешбинӣ шудааст. Дар атрофи бино ҳамчунин майдончаи муосири бозӣ бунёд гардидааст.
Манбаъ: АМИТ «Ховар»
Манбаъ: АМИТ «Ховар»
Манбаъ: Канали расмии АМИТ «Ховар»
Манбаъ: Канали расмии АМИТ «Ховар»